حقيقة ما حصل في حفل الفنان أحمد سعد ببنزرت ، و شكاية امنية ضد مديرة المهرجان

الاعلامي حمزة الطياشي يكشف الحقيقة كشاهد عيان

الحفل كان فاشل تنظيميا و مالأول كل شى غالط 

تجيب فنان ببرشة فلوس ( و على فكرة المبلغ أقل ببرشة ماللي يتحكى و احترام ليها مانيش بش نقول قداش ) و زيد تجيبو في وقت غالط ( رابع أيام العيد ) و زيد تحط التسكرة ب45 د في بنزرت ( تسكرة تفوت 20د في بنزرت عدم ) و زيد تدور من بلاصة لبلاصة تحكي عالحفلة و تهبط تستقبلو في المطار بالورد و بعد يجيك إمخر ( رفض بش يطلع خاطر مفماش جمهور ) و الناس فدت و بدات تزفر و زيد تجيب ممثلة تنشط في الحفلة و تحكي فاللي يجي حتى لين الناس فدت و بدات تزفر و بعد يجي السيد يعطي كلمة للصحفيين و أصر بش يعطيها الكلمة رغم أنو المنظمين حبوه يطلع طول خاطر إمخر عالناس ( أهوكا الفيديو في صفحتي يوثق ) و كي كمل و الراجل متغشش على حفل فاشل تنظيميا و جماهيريا هز روحو و روح ( حاجة تصير في أكبر المهرجانات في قرطاج عمناول إختتام شيرين خرجت و معطاتنا حتى كلمة و راغب في بنزرت خرج و معطانا حتى كلمة و غيرو و غيرو ) تقوم تهز صحفيين ( و سامحني فيهم اللي ماشين و يطيحو في قدرهم ) و تعمل فيلم للراجل و كالممثلة تصيح و تعيط تقول درا شنوة صار و زيد الراجل هبط للصحفيين بش يحكي تقوم مديرة المهرجان تقص عليه و بعد الناس الكل تسب فيه كيفاش قاللها " إسكت " و زيد قاللها معنديش ندوة في العقد شنوة هالفضايح و شنوة هالخور !!!! مو يكمل هو يحكي و يعطي وجهة النظر و بعدو انتي احكي و اعطي وجهة النظر و زيد علاش ماشية ؟؟ و الصحافيين علاش ماشين و منطق التضامن الأعمى لواش في هالبلاد !!!!! 

الراجل انتي جبتو و خلصتو و فرحت بيه غلط قدم بيه قضية و إربح فلوسك نقطة و ارجع للسطر 

الخلاصة : أحمد سعد قدم قضية بمديرة المهرجان و اللي صار البارح إشهار باهي لحفلة قرطاج و المرة الجاية يا نعرفو إنظمو حفلات يا خلي لأهل الإختصاص و بلاش فضايح ( مديرة المهرجان خرجت اليوم في إذاعة خاصة بعد ما الراجل قدم قضية و قالت متفاهمناش على وقتاش يطلع يغني و متفهمناش على ندوة صحفية و انا مقلتش ب 80 الف دولار قالت تفاهمنا بالكلمة ) 

يعني الهدا يا هدى و التضامن الأعمى نقصو منو في هالبلاد خاصة قبل ما تفهمو الحكاية