طقس تونس : حرارة شديدة و شهيلي وسط الاسبوع في عديد المناطق ، طقس اليوم ، الطقس

الخير وان شاء الله تكونوا استمتعتو بنهاية الأسبوع..

اللي في بالو بالدنيا سخنت شوية سبت واحد نقلو حكاية فارغة ومازلت ما ريت شيء..

في الخرائط الموالية توقعات النموذج الاوروبي لحرارة الأربعاء والخميس الجايين ومن غير بارشا تعقيدات وكيف ما تشوفوا انو ألوان الشمال هي بيدها ألوان الجنوب وكيف كيف الوسط زادة ..  فبحيث من المنتظر تجاوز 39 او 40 درجة في العديد من الولايات مع ظهور الشهيلي..

ارقام ما تبعدش بارشا على المعدلات العادية بالجنوب انما الفارق بالنسبة للمستويات المرجعية في الشمال قد يتجاوز 5 درجات ولكن تبقى قيم بعيدة زادة على الأرقام القياسية..

الهدف من التدوينة انو نقراو في حسابنا الارتفاع هذا وما يفاجأناش لا غير وفي الاخر السخانة متسمية عالصيف..

ربي يلطف بينا ويعطينا قد جهودنا وربي يحفظكم زادة..